Жаңалықтар 17.05.2021 сағат 13:00

«Алматы-Мальдив» бағытындағы рейстер тоқтатылды

Алдын ала сатып алған билеті күйіп кеткен компания клиенттері билет құнын толықтай қайтаруға немесе басқа күнге ауыстыруға құқылы.
«Алматы-Мальдив» бағытындағы рейстер тоқтатылды
фото: inform.kz
Бөлісу
Бөлісу
Бөлісу

Air Astana компаниясы 31 мамырға дейін «Алматы-Мальдив» бағытындағы рейстерді тоқтатқанын мәлім етті, деп хабарлайды ҚазАқпарат .

«17, 19 және 24 мамырда Air Astana Мальдивтегі жолаушылар үшін репатриациялық рейстер ұйымдастырады. КС586 рейсі жергілікті уақыт бойынша сағат 19:35-те Маледен ұшып шығып, Алматыға келесі күні сағат 03:05-те қонады. ҚР Бас мемлекеттік санитарлық дәрігерінің қаулысына сәйкес жолаушылар Алматыға келгеннен кейін 14 күндік карантиннен өтуі керек», - деп жазады әуе компаниясының баспасөз қызметі.

Алдын ала сатып алған билеті күйіп кеткен компания клиенттері билет құнын толықтай қайтаруға немесе басқа күнге ауыстыруға құқылы.

«Күші жойылған рейстердің жолаушылары авиабилеттің құнын сатып алған жері бойынша толық қайтара алады немесе 2021 жылғы қазанға дейін басқа ашық күндерге ақысы билет брондауға болады. Қосымша ақпарат алу үшін билетті сатып алу орнына немесе брондау және ақпарат орталығына +7 727 244 4477 / +7 702 702 4477 нөмірі бойынша хабарласу керек», - дейді әуе компаниясының өкілдері. Еске салсақ, кеше ҚР Бас мемлекеттік санитар дәрігері Ерлан Қиясов «Қазақстанға Мальдив аралдарынан коронавирус инфекциясы келуінің алдын алу шараларын күшейту туралы» жаңа қаулыға қол қойған болатын.

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар