Шымкент-Алматы бағытындағы ұшақта 9 жасар бала көз жұмды

Оқиға 9 шілдеде AIR Astana әуе компаниясының Шымкент - Алматы бағытындағы КС 972 рейсін орындау кезінде орын алды, деп хабарлайды Stan.kz.

Аяла Қонақбаева сол күні КС 972 рейсінде болған жолаушының бірі. Оның айтуынша, бала лейкозбен ауырған, оған сүйек кемігін трансплантациялау жасалған.

"Олар емделуге ұшқан сияқты. Ұшақ аспанға көтерілген соң шамамен 10 минут өткеннен кейін, бала мазасызданып, тұншыға бастады. Бортсерік оған оттегі маскасын беріп, тыныштандыруға тырысты. Мен: "жігіттер, оның қолдары көгеріп бара жатыр, біз оның қысымын өлшеуіміз керек және бізге шұғыл жерге қону керек" дедім", - деп есіне алды ол.

Аіг Astana баспасөз қызметінде  ұшу кезінде бала ауырып қалды деп хабарлады. 

Экипаж оны оттегі цилиндріне қосып, 30 минут дем алдырған. Ұшақтың төмендеуі кезінде жолаушы есінен танып қалды. Экипаж оған ұшақ қонған кезде және одан кейін жүрек-өкпе реанимациясын жасады, дефибриллятор қолданылды.

"Әуежайда бала дәрігерлерге берілді, бірақ, өкінішке орай, оны құтқару мүмкін болмады. AIR Astana баланың туыстары мен жақындарына қайғырып көңіл айтады", - делінген хабарламада.