Жаңалықтар 11.07.2021 сағат 03:34

Дауыл соғып, бұршақ жауады: 11 шілдеге арналған ауа райы болжамы

Республикамыздың басым бөлігінде ауа райы тұрақсыз болады.
Дауыл соғып, бұршақ жауады: 11 шілдеге арналған ауа райы болжамы
Бөлісу
Бөлісу
Бөлісу


Синоптиктер жексенбі, яғни 11 шілдеге арналған ауа райы болжамын жариялады, деп хабарлайды Azattyq Rýhy.

«Оңтүстік-каспий циклоны республикамыздың басым бөлігінде тұрақсыз ауа райына өз ықпалын тигізеді, найзағаймен жаңбыр, еліміздің орталық, солтүстік-батыс және шығысында қатты жаңбыр жауады. Тек ҚР оңтүстік-батысында және оңтүстігінде жауын-шашынсыз ауа райы болады. Республика бойынша кей жерлерде дауыл, бұршақ болып, жел күшейеді, оңтүстік және оңтүстік батыста шаңды дауыл болады», - делінген «Қазгидромет» РМҚ хабарламасында.

Шығыс Қазақстан, Қарағанды облыстарының кей жерлерінде дауыл, бұршақ жауады, желдің күші 15-20, екпіні 25 м/с жетеді.

Алматы, Жамбыл облыстарының кей жерлерінде жел 15-20, екпіні 23-28 м/с жетеді, Жамбыл облысының кей жерлерінде шаңды дауыл болып, Алматы облысында бұршақ жауады.

Түркістан облысының кей жерлерінде жел 15-20 м/с жетіп, шаңды дауыл соғуы ықтимал.

Павлодар облысының кей жерлерінде бұршақ болып, жел 15-20 м/с күшейеді, түнде және таңертең тұман түседі.

Қостанай облысының кей жерлерінде бұршақ жауып, желдің күші 15-20 м/с жетеді.

Батыс Қазақстан облысының кей жерлерінде жел 15-20 м/с күшейеді, күндіз дауыл, бұршақ жауады.

Күндіз Ақмола, Қызылорда, Атырау, Ақтөбе, Солтүстік Қазақстан облыстарының кей жерлерінде жел 15-20 м/с күшейеді.

Күндіз Атырау облысында қатты ыстық сақталады.

Қызылорда, Түркістан, Маңғыстау, Атырау,Жамбыл облыстарының басым бөлігінде, Ақтөбе, Қостанай, Қарағанды, Батыс Қазақстан, Ақмола, Алматы облыстарының кей жерлерінде өте жоғары өрт қаупі сақталады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар