Жаңалықтар 28.07.2021 сағат 13:00

Қазақстаннан Өзбекстанға жаңа әуе рейсі ашылатын болды

Қазіргі уақытта елдер арасында аптасына 32 рейс орындалып жүр.
Қазақстаннан Өзбекстанға жаңа әуе рейсі ашылатын болды
Бөлісу
Бөлісу
Бөлісу

Қазақстаннан Өзбекстанға жаңа халықаралық әуе рейсі шілденің соңында іске қосылады, - деп хабарлайды Kaz.tengritravel.kz Primeminister.kz сайтына сілтеме жасап.

ҚР премьер-министрі Асқар Маминнің Өзбекстанның көлік министрі Илхом Махкамовпен кездесуі барысында 29 шілдеден бастап Ақтөбе - Нүкіс бағыты бойынша аптасына екі рет жиілікпен әуе қатынасын ашу туралы уағдаласқаны белгілі болды. Қазіргі уақытта елдер арасында аптасына 32 рейс орындалып жүр.

Қазақстан Республикасы Индустрия және инфрақұрылымдық даму министрлігінінің бұған дейінгі мәлімдемесіне сәйкес, қазір Өзбекстанға "Эйр Астана", SCAT, FlyArystan және Uzbekistan Airways әуекомпаниялары Нұр-Сұлтан - Ташкент, Алматы - Ташкент, Ақтау - Үргенш, Алматы - Самарқан бағыттары бойынша рейстерді жүзеге асырады. Сондай-ақ, Түркістан - Ташкент рейсі іске қосылды.

Маусымда Uzbekistan Airways әуекомпаниясы Ақтау - Нүкіс бағыты бойынша Қазақстаннан Өзбекстанға тағы бір әуе рейсін іске қосатыны белгілі болған. Билет құны 1 093 000 сумнан (шамамен 44 мың теңге), Нукус - Ақтау - Нукус бағыты бойынша - 1 869 000 сумнан (шамамен 75 мың теңге) басталады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар