Жаңалықтар 30.07.2021 сағат 22:53

Павлодар тұрғыны үш баласын өлтіріп, өзіне қол салған

Полицияға Айманов көшесінде тұратын ер адамнан үйінде төрт адамның мәйіті табылғаны туралы хабар түсті.
Павлодар тұрғыны үш баласын өлтіріп, өзіне қол салған
Бөлісу
Бөлісу
Бөлісу

Павлодар полициясы үш баласын өлтіріп, артынша өз-өзіне қол салған әйелге қатысты қылмыстық істі тоқтатты, деп хабарлайды Stan.kz ақпарат агенттігі.

"Қылмыстық кодекстің 99-бабы 3-тармағы бойынша жүргізілген сотқа дейінгі тергеу жиналған айғақтарды ескеріп, қылмысты кішкентай балалардың анасы жасағанын анықтады. 2021 жылдың 9 маусымында ҚІЖК 35-бабы 1-тармағы 11-тармақшасы негізінде қылмыстық іс тоқтатылды", – делінген құқық қорғау ведомствосы жариялаған баспасөз хабарламасында.

Оқиға былтыр 9 қарашада болды. Полицияға Айманов көшесінде тұратын ер адамнан үйінде төрт адамның мәйіті табылғаны туралы хабар түсті.

"Үйіне келген пәтер иесі есікті аша алмаған, өйткені ол іштен жабулы тұрыпты. Ер адам көршілерінен шарқайрақ сұрап, есікті ашқан. Пәтерге кіргенде, бөлмелердің бірінен әйелі мен үш кішкентай баласының денесін тапқан", – деді Павлодар облысының полиция басшысы Нұрлан Мәсімов.

Көз жұмғандардың бәрінде күштеп өлтіру белгілері болған. Балалардың үлкені 7 жаста, кенжесі үш жаста еді. Ерлі-зайыпты бірге тұрған. Полицияны әйелдің күйеуі шақырды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар