«Қазақстанға атом станциясы қажет» - Тоқаев

Қазақстан президенті Қасым-Жомарт Тоқаев елде АЭС салу қажет екенін айтты, деп хабарлайды Stan.kz ақпарат агенттігі. 

Президент өз жолдауында Қазақстанда атом энергетикасын құру мүмкіндігін жан-жақты зерттеуді тапсырғанын еске салды. Азаматтар мен бизнесті қоса алғанда, мемлекеттің қажеттіліктерін тиісті деңгейде ескеру керек.

"Мен Қазақстан халқына жолдауында Қазақстанда атом энергетикасын құру мүмкіндігін жан-жақты зерделеу міндетін қойдым. Мемлекеттің, азаматтар мен бизнестің өзекті қажеттіліктерін тиісті шамада ескеру маңызды. Мен бұл мәселені егжей - тегжейлі қарастыратын кез келді деп санаймын. Өйткені Қазақстанға атом станциясы қажет", — деді Тоқаев Владивостокта өтіп жатқан Шығыс экономикалық форумында.