$ 450.61  488.91  4.97

«Ағамыздың денесін жерледік. Басын бермеді»: – Алматы облысында сұмдық жағдай болды

Сараптама оның басынан атып өлтіргенін анықтаған.
Фото: ашық дереккөзі
Фото: ашық дереккөзі

Атып өлтірген ағамыздың басын ала алмай отырмыз. Осылай деп Алматы облысы Балқаш ауданының тұрғындары шағымданды, деп хабарлайды zakon.kz "Еуразия" бірінші арнасына сілтеме жасап.

Айтуларынша жалданып қой бағатын 45 жастағы ағасы 23 тамызда жоғалып кетіпті. Оның денесін бауырлары 6 қыркүйекте Бірлік ауылына 8 шақырым жерден іздеп тапқан.

Сараптама оның басынан атып өлтіргенін анықтаған.

Тергеу барысында сот-медициналық сараптама үшін мамандар марқұмның басын алып қалған.

Денесін жер қойнына тапсырғанымен, басы болмағандықтан марқұмның жаназасын да шығара алмады.

Бауырынан айырылғандардың тергеу амалдарына да көңілі толмай отыр. Әзірге аймақтың полиция департаменті бұл сұмдық оқиғаға қатысты ешқандай мәлімет айтпады.

Нұрлан Ниязов, марқұмнын бауыры:

Ағамыздың басын алып қалды экспертизаға бермей. Денесін алдық, жерледік. Жаназа оқытылған жоқ. Сол себепті сіздерден көмек сұрап келіп отырмыз анығына жету үшін. Полицейлер өз нелерімен жұмыс атқарған жоқ. Жаңағы прокуроры бар, следак бар, начальник РОВД бар ешқайсысының жұмысына көңілім толған жоқ.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары

Тегтер:

#жерлеу