$ 443.85 € 474.3 ₽ 4.8
Көкшетауда мемлекеттік туды қоқысқа тастаған адам іздестіріліп жатыр, деп хабарлайды Express Qazaqstan.
Оқиға 10 қыркүйек күні Көкшетауда Елемесов көшесіндегі тұрғын үйдің ауласында болған. Белгісіз біреулер байрағымызды күл-қоқыс жәшігінің жанына іліп кеткен.
Көкшетау қалалық ІІБ мәліметінше, айтылған мекенжайға барған тәртіп сақшылары көк туды таппаған. Алайда сол ауланың тұрғындары туды түскі сағат 14:00 шамасында қоқыс маңынан көргендерін растаған. Қазір осы іске қатысы бар адамдар іздестірілуде. Анықталған жағдайда жауапкершілікке тартылатын болады.
