$ 450.61  488.91  4.97

Головкиннің күзге жоспарланған айқасы өтпейтін болды

Геннадийдің рингтегі үзілісі бір жылға созылады.
Фото: ашық дерекөз
Фото: ашық дерекөз

Ringnews24.com сайты IBF және IBO тұжырымдары бойынша орта салмақтағы әлем чемпионы Геннадий Головкиннің желтоқсан айында WBA Super титулының иегері Риота Муратамен бірлескен жекпе-жек алдында аралық айқасты неліктен өткізе алмағанын айтты, деп хабарлайды Sports.kz.

Бір күн бұрын GGG мен Мурата 28 желтоқсанда Кобиде (Жапония) жұдырықтасуға келіскені туралы ақпарат пайда болды, бірақ олар DAZN стриминг қызметінің мақұлдауын күтуі керек.

«Головкин мен Муратаның жекпе-жегі DAZN платформасында тікелей эфирден көрсетіледі деп жоспарланған. Алайда, оның өкілі әзірге келісім берген жоқ. Екі боксшы да Құрама Штаттарда тамызда және қыркүйекте айқасады деп үміттенген. DAZN бұл туралы Головкиннің командасымен келісе алмады, сондықтан Геннадийдің рингтегі үзілісі бір жылға созылады», - деп жазылған мақалада.

Бұған дейін екі боксшының арасындағы жекпе-жек 28 желтоқсанда өтетінін хабарлаған едік.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары