Жаңалықтар 24.09.2021 сағат 12:20

Ақсуда қарттар үйінен 60 адам эвакуацияланды

Мекеменің бір палатасында матрац өртеніп, арты көк түтінге айналған.
Ақсуда қарттар үйінен 60 адам эвакуацияланды
Бөлісу
Бөлісу
Бөлісу

Ақсуда қарттар үйінен түтін салдарынан 60 адам эвакуацияланды, - деп хабарлайды Tengrinews.kz.

Мекеменің бір палатасында матрац өртеніп, арты көк түтінге айналған. Нәтижесінде қарттардың бірі ауруханаға жатқызылды.

Павлодар облысы ТЖД баспасөз қызметі мәліметінше, 23 қыркүйекте сағат 18.39-да Ақсу қарттар мен мүгедектерге арналған арнаулы әлеуметтік қызмет көрсету орталығында өрт шыққаны туралы хабарлама келіп түскен.

"Екінші корпустың бесінші қабатындағы №14 палатада төрт шаршы метр алаңда матрац бықсыған. Нәтижесінде қатты түтін пайда болған. Өрт сөндірушілер баспалдақпен 4 және 5 қабаттан 60 адамды эвакуациялады", - деді ТЖД баспасөз қызметі өкілдері.

Ведомство мәліметінше, эвакуацияланғандар арасында ғимараттан біреудің көмегінсіз шыға алмайтын науқастар болған.

"Газ-түтіннен қорғау қызметінің буыны бесінші қабаттағы палата терезесіне құрастырылған қол оқпанын берді. Өрт сөндіру бөлімшелері келгенге дейін орталық қызметкерлері 1937 жылы туған зардап шегушіні эвакуациялады", - деді ведомство өкілі.

Ер адам Ақсу орталық ауруханасына жатқызылды. Жарты сағаттан кейін қарттар үйіндегі өрт толығымен жойылды.

"Өрт төсекте темекі шеккеннен басталған. Адам шығыны жоқ", - деді облыстық ТЖД баспасөз қызметі өкілдері.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар