«Астананың» бас бапкері қызметінен босатылды

Бас бапкердің міндетін атқарушы болып Владимир Ежуров тағайындалды.

Фото: vk.com/astanafootballclub

Андрей Тихонов "Астананың" бас бапкері қызметінен кетті. Бұл ақпарат футбол клубының сайтында көрсетілген, - деп хабарлайды Tengrinews.kz.

Бас бапкердің міндетін атқарушы болып Владимир Ежуров тағайындалды, ол команданы келесі матчтерге дайындайды.

"Астана" ФК Андрей Валерьевичке баға жетпес еңбегі мен команда жетістіктеріне қосқан үлесі үшін шексіз алғыс білдіреді. Клуб ұжымы жаттықтырушыға алдағы уақытта да табыстар мен жеңістер тілейді!" - делінген сайтта.

Тихонов "Астананың" басшылығына 2020 жылдың қазанында келген болатын. Өткен маусымда оның жетекшілігімен клуб ҚПЛ-да қола жүлде иеленсе, биыл күміс жүлдегер атанды.