Жаңалықтар 24.12.2021 сағат 15:40

Астанадағы ауыл шаруашылық министрлігінің ғимараты Ресей университетіне берілді

Ел үкіметі Ломоносов атындағы Мәскеу мемлекеттік университетінің филиалына жалпы ауданы 13 мың шаршы метр болатын Ауыл шаруашылығы министрлігінің 15 қабатты кеңсесін беру туралы шешім қабылдады.
Астанадағы ауыл шаруашылық министрлігінің ғимараты Ресей университетіне берілді
Фото: ашық дерекөз
Бөлісу
Бөлісу
Бөлісу

Астанадағы ҚР Ауыл шаруашылығы министрлігінің ғимараты Ломоносов атындағы Мәскеу мемлекеттік университетіне тарту етілді деп хабарлайды Ulysmedia.kz.

Бұл туралы ҚР мемлекеттік хатшысы Қырымбек Көшербаев, Ломоносов атындағы Мәскеу мемлекеттік университетінің Қазақстандағы филиалының 20 жылдық мерейтойында мәлімдеді.

«Мемлекет басшысы Қасым-Жомарт Тоқаевтың тапсырмасы бойынша ел үкіметі Ломоносов атындағы Мәскеу мемлекеттік университетінің филиалына жалпы ауданы 13 мың шаршы метр болатын Ауыл шаруашылығы министрлігінің 15 қабатты кеңсесін беру туралы шешім қабылдады. Бұл бізге ресейлік әріптестермен бірге басымдыққа ие мамандықтар бойынша жоғары білікті мамандарды даярлау тізімін кеңейтуге мүмкіндік береді деп ойлаймын. Сондықтан алдағы жаңа жылда сізді жағымды істер күтіп тұр», - деді мемлекеттік хатшы.

Ал Ауыл шаруашылығы министрлігі сол жағалаудағы жаңа мекенжайын 3,5 миллиард теңге сатып алғаны белгілі болды. Осы орайда ел аймақтарындағы шаруалар жоғары жаққа жұтта мал қырылғанына дабыл қағып, жанайқайымен шағымдануда.

Еске сала кетсек, РФ президенті Владимир Путин өзінің баспасөз мәслихатында, Қазақстанды «толық мағынасында орыс тілінде сөйлейтін ел» деп атап, орыс тілін оқытатын мектептер мен жоғары оқу орындары филиалдарының саны артып келетінін айтты.

 

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар