Жаңалықтар 04.07.2022 сағат 23:14

«Иттер алып кетпесін дедік...»: Талдықорғанда қоқыстан нәрестенің денесін тапқан келіншек оқиға туралы

Құр жаялыққа оралған күйі жатқан шарананың кіндігі де кесілмеген, дейді келіншек.
«Иттер алып кетпесін дедік...»: Талдықорғанда қоқыстан нәрестенің денесін тапқан келіншек оқиға туралы
Фото: ашық дереккөз
Бөлісу
Бөлісу
Бөлісу

Талдықорғанда қоқыс жәшігінен жаңа туған шақалақтың денесі табылды. Нәрестені тауып алған қала тұрғыны оқиға жайлы айтып берді, деп хабарлайды “КТК” арнасы. 

Кіндігі кесілмей құр жаялыққа оралған баланы таңертең тұрғындар байқап, полиция шақыртқан. Нәрестенің лақтырыларда тірі, не өлі болғаны белгісіз. Қазір бауыр еті баласынан безген безбүйрек ана іздестіріліп жатыр.

Таңертең таза ауамен тыныстауға шыққан Айгүл Түсіпбаева қоқыс жәшігінен жаңа туған шақалақтың денесін көріп шошыған. Құр жаялыққа оралған күйі жатқан шарананың кіндігі де кесілмеген дейді келіншек. Бейкүнә баланы көріп жүрегім ауырды деген әйел бірден полиция шақыртыпты.

«Жаңа туғаны көрініп тұр. Обал ғой. Баласын осылай тастап кетуге ананың дәті қалай барды екен. Айтарға сөзім жоқ. Полиция келгенше күттік. Қаңғыбас иттер алып кетпесін деп тұрдық. Жанымда көше сыпырушы да болды», – дейді Талдықорған қаласының тұрғыны Айгүл Түсіпбаева.

Табылған күні тасбауыр ана қылмыстық жауапкершіліктен құтылмайды дейді тәртіп сақшылары. Заң бойынша, үш жылға дейін бас бостандығынан айырылуы мүмкін.

Еске салсақ, Талдықорғанда аула сыпырушы қоқыс контейнерінен жаңа туған нәрестенің мәйітін тауып алған.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар