Жаңалықтар 02.08.2022 сағат 16:40

Нығматулиннің ұлдарына тиесілі компанияға 5 миллион теңге айыппұл салынды

Тараз халқын түтінмен улаған «Қазфосфат» зауытында заңбұзушылықтар анықталды.
Нығматулиннің ұлдарына тиесілі компанияға 5 миллион теңге айыппұл салынды
Фото: ашық дереккөзден
Бөлісу
Бөлісу
Бөлісу

Мәжілістің экс-спикері Нұрлан Нығматуллиннің ұлдары қадағалайтын "Қазфосфат" зауытында өрескел заңбұзушылықтар анықталды.

Кәсіпорын жұмысына жоспардан тыс тексеру жүргізген экология департаментінің мамандары компанияға 5 миллион теңге айыппұл салды, деп хабарлайды Экспресс К.

Облыс орталығын белгісіз түтін басып, тұрғындардың тынысын тарылтқаны жайлы Экспресс К жазған болатын. Кейін анықталғандай "Минералды тыңайтқыштар" зауытындағы күкірт қышқылын өндіретін цехта апат болып, соның салдарынан ауаға күкірт триоксиді тараған. Экологтар прокурорлармен бірлесіп, ауа сынамаларын зерттеуден өткізіпті. Апат кесірінен зауыт маңындағы Ы.Сулейменов көшесі бойындағы санитарлық қорғау аймағында фторлы сутегінің мөлшері қалыпты деңгейден 7,5 есе артқаны анықталды

"Тексеру барысында экологиялық заңнаманы бұзудың 5 фактісі анықталды. Экологиялық кодекстің талаптары сақталмаған. Заңбұзушылықтарды жою туралы нұсқама берілді. Кәсіпорынға салынған әкімшілік айыппұлдардың көлемі 5 млн теңгені құрады", — делінген экология департаменті таратқан хабарламада.

Берілген нұсқамалардың орындалуы бойынша 2022 жылдың екінші жартыжылдығында кәсіпорында жоспардан тыс тексеру жүргізілетін болады.

Бұдан бұрын экология департаменті Тараз маңындағы химия зауытының жұмысы тоқтатылуы мүмкін екенін мәлімдеген болатын. Кейіннен компания басшылығы заңсыз пайда тапты деген күдікке ілінді. Бас прокуратура "Қазфосфатты" 697 млн теңге көлемінде монополиялық табыс тапты деп айыптап, тергеу басталғанын жариялаған болатын.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар