Жаңалықтар 18.08.2022 сағат 12:00

Елімізде кеңсе тауарлары бірден 12 пайызға қымбаттады

Тіпті, кейбір өңірлерде бағаның өсуі 50,1 пайызға жетіп отыр.
Елімізде кеңсе тауарлары бірден 12 пайызға қымбаттады
Фото: ашық дереккөз
Бөлісу
Бөлісу
Бөлісу

Елімізде кеңсе тауарлары 12 пайызға қымбаттады. Тіпті, кейбір өңірлерде бағаның өсуі 50,1 пайызға жетіп отыр, деп хабарлайды Stan.kz ақпарат агенттігі. 

Energyprom.kz порталының мәліметінше, биылғы шілдеде кеңсе тауарлары былтырғыдан 12,3 пайызға қымбаттады. Өңірлер бойынша бағаның ең көп өсуі Түркістан облысында байқалды – 50,1 пайыз. Сондай-ақ, Атырау (31,1%) және Ақмола (14,7%) облыстарында және Алматы қаласында (14,5%) да айтарлықтай қымбаттады.

Ең төмен жылдық өсім Жамбыл облысында тіркелді: небәрі 1,2%.

Мысалы, сурет салуға арналған альбом бір жыл ішінде 14,1%-ке, шарик қаламдар 13,2%-ке, түрлі-түсті қарындаштар жиынтығы 12,1%-ке, дәптерлер 12%-ке, А4 қағазы 10,6%-ке қымбаттаған.

Жалпы биыл шілде айында білім беру қызметтерінің бағасы 11,5%-ке көтерілді. Соның ішінде мектепке дейінгі білім беру қызметтерінің бағасы бір жылда 7,1%-ке, орта білім — 6,8%-ке, кәсіптік орта білім — 11,7%-ке, жоғары білім — 17,7%-ке, ересектерге арналған білім 10,7%-ке өсті.

Өңірлер арасында бағаның ең жоғары өсімі Атырау (50%-ке), Павлодар (19,4%) және Шығыс Қазақстан (19,1%) облыстарында байқалып отыр.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар