Қарағанды облысында БелАЗ бес жолаушы мінген автокөлікті мыжып өтті

Қарағанды облысында «Молодежный» разрезінде БелАЗ ауыр көлігі ішінде бес адамы бар «УАЗ» автокөлігін басып кеткен. Оқиға салдарынан екі адам қаза тапты, деп хабарлайды ҚазАқпарат тілшісі.

Қайғылы оқиға 28 тамыз күні «Молодежный» разрезінде болған.

«БелАЗ» автокөлігінің жүргізушісі бұрылған кезде сол жақ бөлігімен ішінде кеніштің қызметкерлері болған «УАЗ» көлігіне соқтығысқан.

Ауыр жүк машинасы жеңіл көлікті ішіндегі адамдарымен қоса езіп өткен.

«Соқтығысудың салдарынан «УАЗ« автокөлігінің жүргізушісі мен оның жолаушысы алған жарақаттарынан оқиға орнында көз жұмды, осы көліктің тағы үш жолаушысы медициналық мекемеге жеткізілді.

Аталған факті бойынша ҚР ҚК 156 - бабы 4-бөлігі бойынша қылмыстық іс тіркелді», - деп хабарлады Қарағанды облысы ПД баспасөз қызметі.

Қазіргі уақытта оқиғаның себебін анықтау үшін тергеу шаралары жүріп жатыр.