Жаңалықтар 03.09.2022 сағат 00:05

Қамаудағы Жанболат Мамай Дикий Арман қоқан-лоққы көрсетіп жатқаны жайында мәлімдеме жасады

"Кеше мен өзіме қастандық жасалмақшы болып жатыр деген хабар алдым", - дейді ол.
Қамаудағы Жанболат Мамай Дикий Арман қоқан-лоққы көрсетіп жатқаны жайында мәлімдеме жасады
фото: ашық дереккөзден
Бөлісу
Бөлісу
Бөлісу

Тіркелмеген Демократиялық партияның көшбасшысы Жанболат Мамай 1 қыркүйек күні өзіне шабуыл жасалуы мүмкін екенін ескертуі бар хат алғанын мәлімдеді. Мамайдың хаты оның желідегі парақшасында жарияланды, деп хабарлайды Ulysmedia.kz.

“Менің, жарты жылдан астам, Алматыдағы тергеу изоляторында жатқанымды білесіздер. Осы уақыт ішінде, өзіме қарсы қандай да бір қорқыту болмаса күш көрсеткен оқиға болған емес.

Алайда, кеше мен өзіме қастандық жасалмақшы болып жатыр деген хабар алдым. Маған «Мамай өзі YouTube-те жариялаған бір видео үшін басымен жауап береді» деп жеткізді. Бұл кімнің сәлемі деп сұрағанда, олар өзі де қамауда отырған «Дикий Арман» - Арман Жұмагелдиевтен деп жауап берді.

Шынымен-ақ, өзімнің бір сөзімде оны сынағаным бар. Менің ойымша, бұл «сәлемнің» артында, маған қастандық ұйымдастырып жатқан, арнайы қызметтер тұруы әбден мүмкін. Алтынбек Сәрсенбайұлының өлімі естеріңізде болар? Намысына тиген сөздер айтты-мыс, ешкімге жәбірі жоқ Үтембаев тапсырыс берген болып шықпап па еді?

Бәлкім, билік маған қастандық жасап, бар кінәні қылмыс әлемінің беделдісіне арта салмақ та шығар. Өзім алған хабарға қатысты менің ойым осындай.

Маған қатысты қандай да бір қастандықтың артында, қашан да, арнайы қызметтер мен Қазақстан билігі тұратын болады деп ашық, ресми түрде мәлімдеймін! Түрмеде ешкіммен өзара кикілжіңім жоқ, ешқашан да жанжалдасқан емеспін.

Құқық қорғаушылардан, журналистерден, дипломаттардан және мүдделі барлық жандардан басыма түскен осы жағдайға назар аударуын өтінемін”, – деп жазған ол. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар