Алматы қаласында танымал тұрғын кешендерін салған компания басшысы қамауға алынды

Үлескерлерінің ұжымдық арызы негіз болған.

Фото: ©Sputnik/Кирилл Каллиников

“Алматы қалалық полиция департаменті "ҮШ ҚОҢЫР" және "ВЕСНОВКА" тұрғын үй кешені үлескерлерінің ұжымдық арызы негізінде Қазақстан Республикасы Қылмыстық кодексінің 190-бабы, 4-бөлігі, 2-тармағы (алаяқтық) бойынша қылмыстық істі тергеп-тексерілуде”, – делінген хабарламада.

Алматы қаласының прокуратурасы тергеу органының "Lider Group Consalt" ЖШС директоры мен бірқатар тұлғаларын күзетпен ұстау түріндегі бұлтартпау шарасын қолдану туралы өтінішхатын қолдады.

Осылайша, күдіктілер Алматы қаласының тергеу сотының санкциясымен 2 ай мерзімге күзетпен ұстауға алынды.

Сотқа дейінгі тергеп-тексеру жалғасуда, тергеу органдары істің мән-жайын анықтау үшін барлық шараларды қолдануда және прокуратураның бақылауында.

stan.kz