Әлеумет 19.08.2019 сағат 18:30

Міндетті мүлік салығынан кімдер босатылады десеңіз...

Бұл тізімге 18 жасқа дейінгі жетімдер және ата-анасының қамқорлығынсыз қалған балалар да кіреді.
Міндетті мүлік салығынан кімдер босатылады десеңіз...
фото: 7kun.kz
Бөлісу
Бөлісу
Бөлісу

2018 жылға арналған мүлік және жеке тұлғалардың жер салығын төлеу мерзімі 1 қазаннан басталады. Алматыдағы Мемлекеттік кірістер департаменті оны төлеуден бұрын нені білу керектігін айтты, деп хабарлайды Skifnews.kz ақпарат порталы, ҚазАқпарат-қа сілтеме жасап.

Мүлік салығын төлеушілер: мүлік, жер, тұрғын үй, ғимараттар, саяжайлар, гараждар, көлік салықтары жеке тұлғаларға салынады. Кеңес Одағының батырлары, Социалистік Еңбек Ерлері, «Халық Қаһарманы», «Қазақстан Еңбек Ері» атағына ие болғандар, «Отан» орденімен марапатталғандар, көп балалы аналар, «Алтын алқа» игерлері және жалғыз тұратын зейнеткерлер мүлік салығын төлеуден босатылады.

Сондай-ақ, Ұлы Отан соғысының қатысушылары мен мүгедектері және оларға теңестірілген адамдар, соғыс жылдарындағы тылда қызмет еткендер және мінсіз әскери қызметі үшін бұрынғы КСРО ордендерімен және медальдарымен марапатталғандар, сонымен қатар, 1941 жылдың 22 маусымнан 1945 жылдың 9 мамырына дейін тылда кемінде алты ай жұмыс істегендер, тылдағы жақсы әскери қызметі үшін бұрынғы КСРО ордендерімен және медальдарымен марапатталған адамдар, мүгедектер салық төлмейді.

Бұл тізімге 18 жасқа дейінгі жетімдер және ата-анасының қамқорлығынсыз қалған балалар да кіреді. Жеке кәсіпкерлік қызметте тұрғын үйлер мен өзге де объектілерді қоспағанда салынатын салық кодекстің 529-бабына сәйкес анықталады және салық органдары осы кодекстің 532-бабына сәйкес есептейді. Салық ставкалары мүлік салығы жеке тұлғаларға кодекстің 529-бабына сәйкес объектілерінің құнына байланысты есептеліп салынады. 

www.kgd.gov.kz және www.egov.kz электрондық үкімет порталында «Салық қарызының болмауы (болуы) туралы ақпарат» беретін электрондық қызмет енгізілді. Ол сізге ЖСН бойынша салық қарызы туралы мәліметті онлайн-режимде алуға мүмкіндік береді.

Оқи отырыңыз

загрузка...

Соңғы жаңалықтар

Қызықты материалдар