Әлеумет 07.01.2020 сағат 06:20

«Жаңартылған» жоба: елордалық бір топ көпбалалы ана жәрдемақыларының азайып кеткеніне шағымданды

Олар Нұр-Сұлтан қаласының әкімі Алтай Көлгіновпен я министрлік басшылығымен кездесуді талап етті.
«Жаңартылған» жоба: елордалық бір топ көпбалалы ана жәрдемақыларының азайып кеткеніне шағымданды
Бөлісу
Бөлісу
Бөлісу

Нұр-Сұлтандағы Еңбек және халықты әлеуметтік қорғау министрлігіне жиналған ондаған көпбалалы әйел жаңа жылдан бастап жәрдемақының жаңаша төленуіне наразылық білдірді, деп хабарлайды Азаттық радиосы.

«Былтыр сәуірден желтоқсанға дейін бес балама үкімет 131 мың теңге беріп келді. Кеше барып, биылғы жылдың жәрдемақысын санатып едім, әр балаға 9 мың теңгеден берілетінін айтты. Сонда айына 45 мың теңге ғана болады. Сөздерінше, биылдан бастап атаулы әлеуметтік көмекті жаңа форматта санап беретін болған екен», - дейді көпбалалы ана Баян Қосқолова.

Жиналғандар биліктен көпбалалы әйелдерді бөліп-жармай, әр балаға белгілі бір соманы төлеуді талап етті.

«Бес бала бола ма, жеті бала бола ма, бәріне бірдей 21 мың теңгеден берсін. Биылдан бастап әр балаға 10500 теңгеден беріп жатыр. Сонда мен осы күнге дейін жеті балама алып келген 141 мың теңгенің орнына 63 мың теңге ғана алады екенмін. Мен пәтер жалдап тұрамын, 35 мың теңге пәтер ақысын төлеймін, тіпті, азық-түлікке де жетпейді», - дейді Клара Омарбекқызы.

Олар Нұр-Сұлтан қаласының әкімі Алтай Көлгіновпен я министрлік басшылығымен кездесуді талап етті.

Қазан айында Еңбек және халықты әлеуметтік қорғау министрі Біржан Нұрымбетов Үкіметте атаулы әлеуметтік көмектің «жаңартылған» жобасын таныстырған. Билік 2020 жылы қаңтардың 1-нен бастап атаулы әлеуметтік көмек аз қамтылған отбасыларға ондағы еңбекке жарамды азаматтар мемлекет ұсынған жұмыста істеуге келіскен кезде ғана (шенеуніктер тілінде бұл «жұмыспен қамтуға ықпал ету шарасына қатысу» деп аталады) берілетінін мәлімдеген.

Отбасы мүшелері жұмыстан бас тартқан жағдайда, бүкіл отбасына берілетін төлем тоқтатылады. Билік барлық көп балалы отбасы үшін бала санына байланысты, көлемі 73 375 теңгеден аспайтын дифференциалды жәрдемақы енгізуді ұсынған. Онымен келіспейтіндер бұл өзгеріс елдегі көп балалы аналардың жағдайын жақсартпайды деп санайды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар