Әлеумет 04.02.2020 сағат 05:45

«Ислам дінінде жасауға болады»: хиджабтағы сексолог қазақ мастурбацияның қыр-сырын көрсетті

Анель ханым қазақ қыздарына «жыныстық сауаттылық» туралы үйретеді. Оның айтуынша, менталитемізге сай көптеген қыз-келіншектер өз-өзін зерттеуге ұялады екен.
«Ислам дінінде жасауға болады»: хиджабтағы сексолог қазақ мастурбацияның қыр-сырын көрсетті
Бөлісу
Бөлісу
Бөлісу

Вумбулдинг жаттықтырушысы ретінде танылып жүрген Анель Нұржаубаева қазақ қыздарына өз-өзін қанағаттандырудың жолдарын көрсетті. Ол қыз-келіншектерге тұрмысқа шықпай тұрып денелерін танып-білуге кеңес берді, деп хабарлайды Stan.kz.

Анель ханым қазақ қыздарына «жыныстық сауаттылық» туралы үйретеді. Оның айтуынша, менталитемізге сай көптеген қыз-келіншектер өз-өзін зерттеуге ұялады екен. Сол себепті, ол өзінің Qazaqsha Seks ютуб-каналында қазақ қыздарына өз-өзіне мастурбация жасаудың жолын жеміс-жидектер арқылы көрсетті.

«Мастурбация деген – өз-өзін қанағаттандыру. Оның әртүрлі жолдары болады. Ол саусақпен, қолмен немесе арнайы ойыншықтарды алып, өзін қанағаттандыру. Жалпы, мастурбация – ол өз-өзін зерттеу. Біріншісі, әр әйел адам өз-өзін кішкентай кезінен бастап зерттейді. Бірақ, көбінесе біздің қыздар ұялады, өз жыныс мүшесін қарамайды. Кейін күйеуге шыққанда немесе жыныстық қатынасты бастағанда өздері оргазм ала алмайды. Сол кезде ғана өздерін ашып, зерттейді.

Екіншісі, әйелдің мастурбациясы оның сексуалдық тарапынан өзінің белсенділігіне байланысты. Кейбір қыздарда белсенділік жоғары. Сол кезде мастурбацияға келуі мүмкін. Үшіншісі, жесір және ажырасқан әйелдер мастурбацияға келеді. Ал кейбір кезде әйелдер оргазм ала алмайды, сол кезде ойыншыққа келеді», – дейді Анель Нұржаубаева.

Сондай-ақ, вумбулдинг жаттықтырушысы мастурбация мұсылман дінінде харам ба деген сұраққа жауап бере кетті.

«Дін жағынан мастурбация бола ма десек, оның екі жауабы бар. Біріншісі, харам дейді. Өйткені, оргазм алу, қанағаттандыру тек күйеуіңізбен болады деген ой. Екіншісі, болады деп айтылады. Некесіз жыныстық қатынасқа түспеу үшін мастурбация жасауға болады деген пікір бар. Өйткені, әйел өзін қатты мазасыз сезінсе, мастурбацияға келуге болады деген ой бар», – дейді вумбулдинг жаттықтырушысы.

Видеоны көргендер неше түрлі пікір қалдыруда. Оның ішінде «Не үйретіп отыр мынау, хиджаб киіп алып? Мынауың артық енді. Қызыңа, немереңе, ұлыңа үйрет! Қазақтар не боп барамыз?» деп те жазған.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар