Әлеумет 13.06.2020 сағат 11:57

«Жамағатымыздың 15-20 пайызы – қазақтар»: Евангелиелік христиан-баптистері шіркеуінің эпискобы шоқынуға келетін қазақтардың көптігіне қуанады

Олардың арасында орысша нашар білетіндер де бар болғандықтан, біз құлшылық рәсімдерін қазақ тілінде де өткіземіз. Қазақша ән айтамыз.
«Жамағатымыздың  15-20 пайызы – қазақтар»: Евангелиелік христиан-баптистері шіркеуінің эпискобы шоқынуға келетін қазақтардың көптігіне қуанады
фото: almaty-akshamy.kz
Бөлісу
Бөлісу
Бөлісу

Астанадағы Брусиловский көшесі бойында орналасқан жұмбақ ғибадатхананың маңдайшасында бұрын тек «Дом молитвы» деген жазу болатын. 1-2 жыл бұрын оған «Дом молитвы для всех народов» деген жазу қосылды. Көп өтпей «Барлық халықтарға арналған сыйыну үйі» деген қазақшасы да жарқ ете қалды. kazislam.kz  сайтының тілшісі арнайы барып храмның пресвитері (епископы) Геннадий Врублевскиймен сұхбаттасып, сыйыну үйінің мән-жайын анықтап қайттыпты, деп жазады Skifnews.kz ақпарат порталы.

Шіркеу епископы Геннадий Врублевскийдің айтуынша, бұл құлшылық үйі ең алғаш ашылғанда келетін адамдардың көбін орыстар мен немістер болыпты.  Қазір немістер азайып, олардың орнын енді қазақтар баса бастаған.

«Маңдайшамыздағы крестті көрген шығарсыз, яғни бұл жер – шіркеу. Біз протестант дінінің бір тармағы – евангелиелік христиан-баптистерміз. Храмның ресми атауы – «Евангелиелік христиан-баптистері шіркеуі» жергілікті діни бірлестігі. Ғибадатхана 1995 жылы ашылған. Ал өзім 2000 жылдан бері осы сыйыну үйінің басшысы болып істеп келемін. Қазір жамағаттың шамамен 15-20 пайызы – қазақтар. Соңғы кездері тіптен көбейіп келеді. Олардың арасында орысша нашар білетіндер де бар болғандықтан, біз құлшылық рәсімдерін қазақ тілінде де өткіземіз. Қазақша ән айтамыз. Сол себепті, өзіңіз көріп отырғандай, қабырғаларымыздағы жазуларды орыс және қазақ тілдеріне ауыстырдық. Бұрын шіркеу ішіндегі жазулар да орыс және неміс тілдерінде болған», – дейді шіркеу басшысы. 

Шіркеу маңдайшасында «Барлық халықтарға арналған сыйыну үйі» деген жазу тұрғандықтан басқа діндегі адамдар да осында келіп, құлшылықтарын жасай алады екен.

«Егер мұсылмандар кіріп, намаз оқимыз десе, оған ешкім кедергі келтірмейді. Құдай үшін барлық ұлт бірдей, ол ешкімді ұлтына қарап алаламайды. Кез келген адам бұл жерде өз тілінде, өзі қалағанынша сыйына алады. Дегенмен, баптистер шіркеуі болғандықтан, негізінен мұнда біздің сеніміміз бойынша құлшылық жасалады», – деп атап өткен эпископ

Айтуынша, шіркеу ресми түрде тіркелген. Бүгінде Қазақстанның барлық аймағында осындай 200-дей баптистік шіркеу бар екен. Олардың бәрі «Қазақстанның евангелиелік христиан-баптистер одағына» қарайды. Орталық кеңсесі Қарағанды облысының Саран қаласында орналасқан. Шіркеуді мемлекет қаржыландырмайды. Шығындары келушілердің садақасы есебінен өтеледі екен. 
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар