$ 445.66  474.58  4.78

ОҚО-да шегірткенің қаптауына АШМ мамандарының қателігі себеп болған

Оңтүстік Қазақстан облысында мыңдаған гектар жерге егілген қауын-қарбызды шегірткенің жеп кеткені бұған дейін хабарланған болатын. Алғашында мұны ҚР АШМ мамандары табиғаттың тосын мінезімен байланыстырған. Дегенмен, кеше ОҚО әкімінің орынбасары Сапарбек Тұяқбаев шегірткенің қаптауын министрлік қызметкерлерінің қателігінен екенін айтты деп мәлімдеді KTK телеарнасы.

Зиянкестердің жаппай көбеюіне Ауыл шаруашылығы министрлігі мамандарының мыңдаған гектар жерлерді өңдеу жоспарына кіргізбегені себеп болыпты.

Сапарбек Тұяқбай, ОҚО әкімінің орынбасары:

- Әзірге мына комиссияның алдын-ала растаған деректеріне сәйкес 40 мың гектарға қателескен. 40 мың гектар қамтылмаған болжам кезінде шегіртке шығуы мүмкін деген. Өңделмеген жерден шығып отыр біразы. Шардара, Сарыағаш, Арыста 5 мамырдан бастап бұл күшейе бастады. Ол кезде де ескерту берілді. Бірақ, химиялық өңдеу инспекция тарапынан өкінішке орай 17 мамырдан кейін басталған.

Алқаптарға дәрі шашу кеш басталғанын айтпағанда жұмыс та атүсті атқарылған екен. Шегірткемен күресу жұмыстарын жеңіп алған мердігерлердің мүмкіндігі жетпеген. Ескі-құсқы техникамен өңдеп жүрген олардың артынан тексерушілер де болмапты. Мыңдаған гектар жер өңделмей қалғанын енді арнайы құрылған комиссия анықтап отыр. Салдарынан күнгейдің 3 ауданында қарбыз еккен шаруалардың еңбегі зиянкестердің жеміне айналды. Осы күнге дейін шығын мардымсыз деп келген атқамінерлер енді кінәлілерді жауапқа тартамыз дейді.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары