$ 449.88  486.64  4.83

Астанада Орталық Азиядағы ең ірі робототехника чемпионаты өтеді

Чемпионатта Роботтар ойынынан басқа инновациялық жобалар байқауы мен төрешілер сессиялары қамтылады.

Фото: ҚР Оқу-ағарту министрлігінің ресми Telegram-каналы
Фото: ҚР Оқу-ағарту министрлігінің ресми Telegram-каналы

 Биыл ақпанның 23-25-і Астанада Central Asia FIRST Championship ресми чемпионаты өтеді. Оған әлемнің 10 елінен 3000-нан астам оқушы қатысады. Қатысушылар арасында көптеген мемлекеттерден командалар, оның ішінде Гонконг, БАӘ, Түркиядан келетін оқушылар бар, деп Skifnews.kz ақпарат порталы ҚР Оқу-ағарту министрлігіне сілтеме жасап хабарлайды.

Қазақстанды іріктеу чемпионаттары барысында квота алған 200 команда таныстырады.

Мұндай көлемдегі робототехника бойынша чемпионат Қазақстанда алғаш рет өтеді. Былтыр чемпионатқа 1200-ге жуық оқушы қатысты, биыл қатысушылар саны 2,5 есе көп. Біз балаларымыз бәсекелестікті сезінуі үшін халықаралық мықты командаларды шақырдық, - деп бөлісті USTEM Foundation қорының негізін қалаушы Нұрдәулет Досмағамбет.

 Мектеп оқушылары үш негізгі жас санаты бойынша бақ сынайды: FLL Explore (6-10 жас), FLL Challenge (10-16 жас) және FIRST Tech Challenge (12-18 жас). Чемпионатта Роботтар ойынынан басқа инновациялық жобалар байқауы мен төрешілер сессиялары қамтылады.

 Central Asia FIRST Championship жеңімпаздарының халықаралық жарыстарға қатысуға лицензиялар, бағалы сыйлықтар және қазақстандық әрі шетелдік жоғары оқу орындарына гранттар алуға мүмкіндіктері болады.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары