Білім & Ғылым 22.05.2019 сағат 17:24

Шымкенттік студент смартфондарға арналған антирадиациялық қаптама ойлап тапты

«Қазір ұялы байланыс құралдары біздің өміріміздің ажырамас бөлігіне айналды. Сол смартфонның электр тарату қуаты 3 Вт. Ал радицаия таратуы 9 Герц. Электромагниттік өріс арқылы магниттік энергия бөліп өзіне тәуелді етеді. Ғалымдардың зерттеуі бойынша смартфон балалардың миына 80 пайыз, жасөспірімдерге 50 пайыз, ересек адамдарға 30 пайыз күш түсіреді», — деді жас өнертапқыш Шымкентте өткен қалалық Қазақстан халқы Ассамблеясының І сессиясында.
Шымкенттік студент смартфондарға арналған антирадиациялық қаптама ойлап тапты
Бөлісу
Бөлісу
Бөлісу

Оның айтуынша смартфоннан бас тарта алмағанымызбен одан денсаулыққа келетін зиянды айтарлықтай азайтуға болады. «Оны менің қолданысқа енгізгелі жатқан жобам — антирадиациялық қаптама арқылы іске асыруға мүмкіндік бар. Жаңа нәрсе ойлап тапқан жоқпын. Зерттеулерімнің нәтижесінде ата-бабаларымыз пайдаланған киізді антирадиациялық қаптаманың ең маңызды ингредиенті ретінде пайдаландым», — дейді ол.

Ерасылдың айтуынша антирадиациялық қаптама смартфонды суықпен ыстықта бір қалыпты температурада сақтап, телефонды қызып кетуден, өшіп қалудан сақтайды. Құм араласқан киіз смартфоннан таралатын электр энергиясын 3 ваттан 1,85 ватқа дейін түсіреді. Ал радиацияны 9-дан 6 герцтік күшке дейін төмендетеді. Сондай-ақ, бұл қаптама телефонның вибрация арқылы келетін электромагниттік өрісті адам бойына өткізбей, ауаға таратып жібереді.

Айта кетейік, Ерасыл М.Әуезов атындағы ОҚМУ-дың 1 курс студенті. Қоғамдық жұмыстарға белсене қатысып, білім саласына қосқан үлесі үшін осы жылы ҚР Білім және ғылым министрлігінің «Үздік студент» төсбелгісін иеленген. Еске сала кетсек, бүгін Шымкент қаласындағы Қазақстан халқы Ассамблеясы ғимаратында қала әкімі, қалалық Қазақстан халқы Ассамблеясының төрағасы Ғабидолла Әбдірахымовтың төрағалық етуімен «Қоғамдық келісім формуласы: бірлік пен жаңғыруға» тақырыбында қалалық Қазақстан халқы Ассамблеясының I сессиясы өтті. Сессия жұмысына 1000-нан астам адам қатысты.

«SN.kz» - ақпарат»

Оқи отырыңыз

загрузка...

Соңғы жаңалықтар

Қызықты материалдар