Саясат 15.07.2014 сағат 03:05

Жамбыл облысында сириялық босқын жұмыс сұрап отыр

Елінің оңтүстік-шығысындағы әскери қақтығыстардан бас сауғалаған Украинаның 20-дан астам азаматы Таразға келді, деп хабарлайды «Новый Регион» басылымы.

Бөлісу
Бөлісу
Бөлісу

Порталдың мәліметінше, босқындардың бірінің құжаты Жамбыл облыстық ішкі істер департаментінің көші-қон полициясы басқармасында рәсімдеуде жатыр.

«Жамбыл облысының көші-қон ведомствосына Сириядан келген Әлмұхаммед Свейда-Айеш Хасан деген азамат та тіркелген. Ол өз Отанын тастап, Таразға мәңгі қоныстануды ұйғарған. Сириялық азаматтың мамандығы дәрігер. Ол «Нұр Отан» партиясының облыстық филиалына хабарласып, кәсібі бойынша жұмысқа орналастыруды сұраған. Сириялықтың сөзіне қарағанда, облыстық денсаулық сақтау басқармасы қазақстандық заңнама талаптарына сүйеніп, шетелдіктің медициналық қызметпен айналысуына құқық бермей отыр», делінген хабарламада.

Еске сала кетсек, Донбастың тәуелсіздігін жақтаушылар мен Украина күш құрылымдары арасындағы ұрыс әрекеттері шиеленісе түскен маусым айынан бері Украинаның оңтүстік-шығысынан босқындар легі ағыла бастады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар