Саясат 20.05.2019 сағат 11:00  248

Сайлау науқаны қоғамдық көзқарастың мәйегіне айналды – Ерлан Саиров

Қазақстан Кәсіподақтар федерациясы төрағасының орынбасары, саясаттанушы Ерлан Саиров сайлау науқанының көптеген жылдардан кейін плюрализм және пікірлер сан-алуандылығы жағдайында өтіп жатқанын айтты.
Сайлау науқаны қоғамдық көзқарастың мәйегіне айналды – Ерлан Саиров
Бөлісу
Бөлісу
Бөлісу

Бұл туралы ол өзінің Facebоok әлеуметтік желісіндегі парақшасында жазды. 

Ол сайлау процесіне қоғамдық ой-сананың барлық палитрасы қатысып жатқанын айтады. 

«Яғни, еліміздегі бүкіл саяси көзқарастар сайлау процесінің біртұтас организмі болып тұр. Бұл бұрын болмаған құбылыс және жаңа қоғамдық жағдай. Еліміздің саяси менеджментінің жаңа әдіс-тәсілдерінің нәтижесінде балама көзқарас қалыптасқан, саяси сайысты және еліміздің бүгінгісі мен болашағы жөніндегі ашық әңгіме пікір алмасуы үшін барлық жағдай жасалып отыр»,  – дейді ол. 

Саиров сондай-ақ жазбасында заманауи талаптарға сәйкес келетін әлеуметтік желінің сайлау науқанындағы рөліне де тоқталды. 

«Әлеуметтік желілер сайлау процессі, әр-түрлі саяси платформалар жөнінде азаматтардың өз позициясын ашық жеткізу алаңына айналып отыр. Азаматтар еліміздегі саяси процесстер жөнінде пікір сайыс жасай отырып, өз талап-тілегін жеткізу өнерін жаңадан игеріп жатыр. Саяси процесті сараптама жасау, белгілі бір қоғамдық мәселеге әр-алуан пікір, басқаша көзқарас қоғамдық болмыстың жаңа тренді болып отыр. Сайлау барысында «келіспейтіндердің» дауысы да айқын шығуда. Бірақ, олардың дауысын басып жатқан ешқандай күш жоқ. Олар әлеуметтік желі, әр-түрлі бейресми алаңдар арқылы өзінің ойын ашық жеткізуге мүмкіндік алып отыр», – дейді қоғам қайраткері. 

Белгілі саясаттанушы қалың халықтың  сайлау науқанының мән-мазмұнына жауапты және парасатты көзқараспен қарап, еліміздің даму бағытын өзгерту үшін әр-бір дауыстың маңызды екендігін, яғни, ертең мемлекеттің бет-әлпеті қандай болады, саяси жүйені қай бағытқа өзгерту қажет деген сұрақтарға осы сайлау науқанының тікелей әсер ететіндігін түсіне бастағанын алға тартады. 

Ол өз пікірінде «Сайлау науқаны қоғамдық көзқарастың мәйегіне айналып, азаматтар асханада, базарда, таксиде осы мәселені жан-жақты талқылай бастады. Дәл осындай қызу талқыланған ұлттық дәрежедегі сайлау көптен бері болмаған. Ол кездері қоғамда барлық мәселе алдын-ала шешіліп қойған, халықтың дауысы маңызды емес деген пікір басым болған еді.

Осы трендттердің баршасы қоғамның оптимизмін туғызып отыр, біздің демократия жолымен келе жатқанымызды, саяси жүйенің табиғи эволюция жолымен дамып келе жатқандығын көрсетсе керек»,- деп, халықтың алдағы үлкен саяси науқанға ашық көзқараспен, шынайы сеніммен қарайтындығын ерекше қадап жазды. 

 

Оқи отырыңыз

‡àãðóçêà...

Соңғы жаңалықтар