Эксклюзив! Бүгін желіге түсініксіз жазбалар қалдырған Айсұлтан Назарбаев тікелей сұхбатқа шықты

HOLA News журналистері Айсұлтан Назарбаевпен бейнеқоңырау арқылы тілдесіп, оның қазіргі жағдайы мен Facebook парақшасындағы жазбалары туралы сұрады, деп хабарлайды Skifnews.kz ақпарат порталы.

H.N: – Сәлеметсіз бе? Сіз бүгін Facebook желісіндегі парақшаңызға бірнеше жазба жарияладыңыз. Бұны жазған өзіңіз бе?
A.Н.: – Иә, мен өзім жарияладым.
H.N: – Сіз бұл жазбалар арқылы, яғни Елизавета патшайым мен атаңыз жайлы не айтқыңыз келді?
A.Н.: – Мен не айтқым келді?.. Менің жанымда байланысты бұғаттап жатыр.
H.N: – Айтыңызшы, сізге не болып жатыр? Сіз Лондондасыз ба?
A.Н.: – Иә, мен Лондондамын. Мен ауруханадан келдім. Атам да байланысуы керек. Бұл өте ұзақ әңгіме. Көп жылдардан бері Қазақстанды айналып жүр. Бұдан шығатын жол біреу-ақ.
H.N: – Қандай?
A.Н.: – Атам біледі.
H.N: – Сіз атаңыздың сізбен байланысқанын күтіп жүрсіз. Ол сізге не айтуы керек?
А.Н.: – Көп жылдан бері біздің отбасымызда көптеген жағдайлар болды және ол бүкіл мемлекетке әсерін тигізді.
HN: – Сіз клиникаға емделуге келдіңіз бе?
А.Н.: – Жоқ, мен клиникаға жасырыну үшін келдім. 
HN: – Кімнен?
А.Н.: – Мен сосын сіздерге барлық құжаттарды ұсынамын. 
HN: – Өзіңіз қалай ойлайсыз, сізді неліктен қудалауда, сізден не қалайды? 
А.Н.: – ... (Үнсіздік).
HN: – Сізден әлеуметтік желілерге жазбауыңызды талап ете ме? 
А.Н.: – Жоқ, менің бүгінгідей жазбаларды жазбауымды қалайды.
HN: – Сіз бүгін түсініксіз дүние жаздыңыз...
А.Н.: – Оны біреу түсінеді, біреу түсінбейді. 
HN: – Айсұлтан, сіз клиникаға жасырыну үшін келдіңіз. Сіз жалпы қайда тұрасыз?
А.Н.: – Мен Лондонда тұрамын.
HN: – Пәтерде ме?
А.Н.: – Иә, пәтерде.
HN: – Бұл сіздің жеке пәтеріңіз ғой?
А.Н.: – Жоқ, бұл пәтерді маған анам жалдады. 
HN: – Сот сізге қоғамдық жұмыс түрінде жаза тағайындады. Сіз оларды орындап жүрсіз бе?
А.Н.: – Маған қатысты дүниені мен сізге хабарласып, айтып беруге уәде беремін.
HN: – Сонда сіз қазір Лондонда тұрасыз, клиникаға жасырыну үшін келдіңіз...

(Осы жерден қоңырау үзіліп кетті).

Еске сала кетсек, бүгін Айсұлтан Назарбаев Facebook парақшасына түсініксіз жазбалар жариялаған болатын.

Бұл жазбаларға қарап жұрт оның аккаунты бұзылды деп ойлаған еді.