Саясат 19.03.2020 сағат 16:30

«Назарбаевтың «кетуі» көпшілік күтпеген шешім болды» - Ерлан Қарин

Оның пікірінше, сайлаудан кейін Қазақстан тарихында жаңа саяси күнтізбенің парағы ашылды. Соңғы бір жылда біраз өзгеріс болды, барлығына оңай соққан жоқ.
«Назарбаевтың «кетуі» көпшілік күтпеген шешім болды» - Ерлан Қарин
Фото: azattyq.org
Бөлісу
Бөлісу
Бөлісу

 Қазақстан президентінің кеңесшісі Ерлан Қарин билік транзитіне бір жыл толуына байланысты пікір білдірді, деп хабарлайды Sputniknews.kz.

Саясаттанушы өзінің Telegram арнасында тура бір жыл бұрын Елбасы Нұрсұлтан Назарбаев президенттік өкілеттілігін өз еркімен тоқтатқаны жайында айта келе, оның осы қызметтен саяси беделі шыңына жеткен кезде кеткенін ерекше атап өтті.

"Соған қарамастан, Тұңғыш президент кезекті рет жауапты саясаткер екенін көрсете білді. Бір жыл бұрын Нұрсұлтан Назарбаевтың президенттік мандатты өз еркімен тапсыруы көпшілік күтпеген шешім болды. Алайда бүгінде барлығы оның қаншалықты көреген шешім болғанын түсініп отыр. Қиындыққа қарамастан, ол мемлекетті трансформацияға дайындай білді, билік транзитінің жеңіл өтуін қамтамасыз етті. Нәтижесінде 2019 жылы 9 маусымда қазақстандықтар осы бағыттың жалғасы үшін дауыс берді", - деп жазды Қарин.

Оның пікірінше, сайлаудан кейін Қазақстан тарихында жаңа саяси күнтізбенің парағы ашылды. Соңғы бір жылда біраз өзгеріс болды, барлығына оңай соққан жоқ. Ал жаңа президент Қасым-Жомарт Тоқаев бұрынғы бағытты жалғастырып, жаңа міндеттерді шешуге кірісті.

"Мемлекеттің жаңа сын-қатерлерді қалайша еңсергеніне қарап, Тұңғыш президенттің мықты әрі берік мемлекеттік қағидаларды салып кеткенін көруге болады. Қазірдің өзінде барша әлем пандемиямен күресіп жатқанда сан алуан мемлекеттерде төтенше жағдай енгізілуде, шекара жабылуда. Осындай жағдайда Қазақстанның билігі шұғыл және алдын ала әрекет ете алатынын көрсетіп отыр", - деп толықтырды Қарин.

Президенттің кеңесшісі мемлекеттік машина үйлесімді жұмыс істеп жатқанын атап өтті.

"Дәл осындай кезде мемлекеттің әбден қалыптасып, маңызды міндеттерді шеше алатынын түсінеді екенсің", - деп түйіндеді 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар