Саясат 15.01.2021 сағат 15:00

Президенттің бүгінгі сөзі «Халық үніне құлақ асатын мемлекет» қағидасының іске аса бастағанын көрсетіп отыр» – саясаттанушы

Өз сөзінде Президент саяси реформаларды жүзеге асыру ниетінің дәйектілігін көрсетті.
Президенттің бүгінгі сөзі «Халық үніне құлақ асатын мемлекет» қағидасының іске аса бастағанын көрсетіп отыр» – саясаттанушы
Фото: strategy2050.kz
Бөлісу
Бөлісу
Бөлісу

Саясаттанушы Қазыбек Майгелдинов ел Президенті Қ.Тоқаевтың саяси реформаларды жүзеге асырудағы ықпалына қатысты өз пікірін білдірді, деп хабарлайды Skifnews.kz ақпарат порталы. 

«Мемлекет басшысы Мәжілістің жаңа құрамы депутаттарының алдында сөз сөйледі. Өз сөзінде Президент саяси реформаларды жүзеге асыру ниетінің дәйектілігін көрсетті. Саяси партиялар үшін Мәжіліске өту шегін 7-ден 5% - ға дейін төмендету көппартиялықты дамытуға және тұтастай партиялық жүйені одан әрі дамытуға ықпал ететін болады. Саяси реформалардың бірінші пакетінде саяси партияларды тіркеу шегі 50% - ға 40 мыңнан 20 мыңға дейін төмендетілгені есімізде. Сонымен қатар, барлық деңгейдегі сайлау бюллетеньдеріне «барлығына қарсы» бағанын енгізу қоғамды одан әрі демократияландыру процесін, халықтың әр түрлі пікірлерін ескеру көрсеткішін ынталандырады. Бұл туралы таяудағы парламенттік сайлау барысында әртүрлі қоғам өкілдері мен басқа да саяси партиялардың өкілдері айтқан болатын. Соның салдарынан біз іс жүзінде билік пен қоғам арасындағы диалогтың нәтижелерін көріп отырмыз. «Халық үніне құлақ асатын мемлекет» қағидасының іс жүзінде жүзеге асуына куә болудамыз» , - деді ол.

Сондай-ақ ол Парламентке өтпеген партиялардың ұсыныстары ескерілетінін де айтты.

«Осы сайлауда 7% шектен өте алмаған партиялар кез келген жағдайда аймақтардағы позицияларын нығайтады және аймақтық күн тәртібін құруға белсенді қатысады. Бүгін Президент олардың ұсыныстары мен ұстанымдары есепке алынатынын айтты. Өткен сайлаудың басты артықшылығы аймақтардағы партиялардың позицияларын нығайту және аймақтық саяси процестерді жандандыру деп ойлаймын», - деп атап өткен Майгелдинов адам құқықтары туралы Президенттің айтқан басымдылығына қолдау білдірді.

«Жоғарыда айтып кеткен мәселелермен қоса алғанда, бүгін Мемлекет басшысы адам құқықтарын қорғауға бағытталған саяси реформалардың кезекті пакетін жариялады. Мәжілістің жаңа шақырылымына мемлекеттік саясатты тиімді іске асыруға ықпал ететін жаңа бастама берілді», - дейді саясаттанушы.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар