«Ауылшаруашылығы министрлігі латифундистерден тұратын жекелеген фермерлердің мүддесін қорғап отыр» – Мұхтар Тайжан

Белгілі қоғам қайраткері, кәсіпкер Мұхтар Тайжан Facebook парақшасында Ауыл шаруашылығы министрі Сапархан Омаровқа бағыттап тағы бір жазба жариялады, деп хабарлайды Skifnews.kz ақпараттық порталы.

Мұхтар мырза бұл хатында Ауылшаруашылығы министрлігінің жер мәселесіне қатысты бірқатар зиян шешімдерді тықпалап отырғанын айтқан. Сонымен қатар ол бұл жерде тек қана латифундистердің мүдделері жатқанын жазады.

«Өкінішке қарай АШМ тек көбі латифундистерден тұратын жекелеген фермерлердің мүддесін көздейтін Қазақстан жеріне зиян шешімдерді тықпалауды жалғастырып отыр. Бұл жерде ешқандай мемлекеттік көзқарас жоқ. 

Мен бұған дейін министрліктің екі айы бойы, желтоқсанның соңынан бері АСБ (ИСЖ) (ауылшаруашылығы жануарларын сәйкестендіру базасы) космомониторинг жүйесі үшін ашпай отырғанын жазғанмын. 

Соның кесірінен екі ай бойы президент Тоқаевтың жайылым жерлерге қатысты тапсырмасы орындалмай отыр. Мен мұны министр Сапархан Омаров тарапынан мемлекет басшысының бастамасына кедергі келтіру деп санаймын. Халықтың қаншама уақыт сол бір «екі сиыр» ұстау үшін жайылым жерлердің босауын күтіп отырғанын айтпағанда. 

Енді келіп ауылшаруашылығы министрлігі электронды картограммалардың ақпараттық жүйесіне жердің агрохимиялық жағдайы туралы мәліметтерді тіркеуді екі жылға шегеруді ұсынып отыр. 

Бұл міндеттеме осыған дейін де 2 жылға, 2019 жылдан 2021 жылға шегерілгенін айта кету керек. Міне тағы шегеріп отыр» », - деп атап өткен ол өзінің facebook парақшасында. 

Қоғам белсендісінің айтуынша, бұл жерді бақылауға ұстау мүмкіндігінен айырады. 

«Бұл фермерлерден уақытша пайдалануға, яғни арендаға алған біздің жерді қалай пайдаланып жатқаны туралы автоматты электронды режимде есеп беру міндеттемесін және оны қадағалау мүмкіндігін жоққа шығарады. 
Жерді фермерлер агрохимияны қалай қолданып жатыр, оның тынығуына мүмкіндік бере ме? Жерді бірдақылды тәжірибемен, тыңайтпаумен тоздырып жатқан жоқ па, тұқым ауыстыра ма? Былайша айтқанда, АШМ фермерлерді осы міндеттемелердің барлығынан босатып отыр. 
Жердің нақты бір учаскесінің агрохимиялық жағдайының талдауын ашық, міндетті және жария ету – адам анализі сияқты – жерді күтіп ұстау мен оған қамқорлықтың өзегі. Өйткені бір фермер бір жерді біраз жыл пайдаланып, кейін өткізіп кетеді, ал жер келесі буынға қалады. Сондықтан біз фермер жерді дұрыс пайдаланып жатқанын бақылап отыруымыз керек. 

Оқи отырыңыз: «Біз оған жол бермейміз»: Мұхтар Тайжан Ауыл шаруашылығы министріне үндеу жасады

Соңғы жылдардағы жерді «керемет» басқару салдарынан жер сапасы төмендеп, жердің тақырлануы, а/ш жерлерінде бонитет балының төмендеуі жүріп жатқаны жасырын емес. Мұның барлығы осындай шешімдер салдарынан бақылаудың төмендеуінен болып отыр. 
АШМ жер қатынастарындағы ашықтыққа саботаж жасап отырғаны айдан анық. Космомониторингке кедергі жасады, енді қоғам назарынан жердің сапалық жағдайын жасырмақ. Бұл жерде мүдделер қақтығысы анық көрініп отыр. АШМ фермерлерге субсидия береді (әрине, ешқанда «откатсыз»), сөйтіп отырып фермерлердің жерге қатысты жұмысын тиісті деңгейде бақылай алмайды. 

Бізге Жер қатынастарын басқару жөніндегі тікелей президентке бағынатын, фермерлермен ақшаға қатысты қатынасы жоқ жеке Агенттік керек. Жер – мемлекеттің негізі, мұнда толық тәртіп пен ашықтық болуы керек. 

PS. ҚР Экология, геология және табиғи ресурстар министрлігі де осы нақты мәселеге назар аударады деп үміттенемін», , - деп атап өткен жазба авторы.