Саясат 29.06.2021 сағат 17:20

Тоқаев саусақ іздерін жинауды 2023 жылға шегерді

Бұған дейін ішкі істер министрі Ерлан Тұрғымбаев саусақ іздері мен геномдық тіркеуді 2021 жылы енгізу жоспарланып отырғанын хабарлаған болатын.
Тоқаев саусақ іздерін жинауды 2023 жылға шегерді
Бөлісу
Бөлісу
Бөлісу

Президент Қасым-Жомарт Тоқаев Қазақстанда саусақ іздерін тіркеуді 2023 жылға ауыстыруды қарастыратын заңға қол қойды.

Бұл туралы Orda.kz Ақорда сайтына сілтеме жасап хабарлады.

Тоқаев «Мемлекеттік курьерлік байланыс туралы» заңға және мемлекеттік курьерлік байланыс және ішкі істер органдарының қызметіне енгізілген түзетулерге қол қойды.

Заңдарда өртке қарсы қызмет органдарының өкілеттіктері шоғырландырылған, полицияның қызметтік моделінің тетіктері енгізілген.

Бұған дейін ішкі істер министрі Ерлан Тұрғымбаев саусақ іздері мен геномдық тіркеуді 2021 жылы енгізу жоспарланып отырғанын хабарлаған болатын.

"Азамат шетелде қалып, шекараны кесіп өткен кезде біздің қызметкерлер онымен жұмыс істейді, тіркейді. Тіркеу қонақүйлерде, демалыс үйлерінде де жүреді. Алайда техникалық жағынан мүмкін болмай, бұл мәселе алынып тасталды. Өкінішке орай, біз техникалық интеграция мәселесін шеше алмадық.

Пандемия кезінде денсаулық сақтау үшін бізден 15 млрд теңге алынды. Сондықтан, сізден мерзімді 2023 жылға ауыстыруды сұраймыз. Меніңше, бұған дейін бізде уақыт болады. Қаражат 2022 жылы бөлінеді, 2023 жылы біз жұмысты бастаймыз", – деді министр мамыр айында Мәжілісте сөйлеген сөзінде.

2021 жылы 1 қаңтарда «Саусақ іздері және геномдық тіркеу туралы» заң күшіне енді. Бұл саусақ іздері мен геномдық ақпаратты жинауды, өңдеуді және қорғауды қамтиды. Азаматтар жаңа, биометриялық құжаттарды алу процедурасына тап болады.

Заңға сәйкес 12 мен 16 жас аралығындағы балалар саусақ іздерін ата-аналарының немесе қамқоршыларының келісімімен ғана тіркейді, ал 16 жастан бастап саусақ іздері қазақстандықтар үшін міндетті болады.

Сондай-ақ, 2021 жылдан бастап құжаттарды бірден өзгерту қажет емес. Олар мерзімі аяқталғанға дейін жарамды.

Азаматтардың саусақ іздерін мәжбүрлеп тіркеуден өткізуден бас тартуы 2021 жылы 2 АЕК – 5834 теңге айыппұл салуға әкеп соғады.

ДНҚ деректерін жинау тек сотталғандардан, белгісіз адамдардан және хабар-ошарсыз кеткендердің туыстарынан олардың келісімімен жүзеге асырылады.

Ішкі істер министрлігі Қазақстан азаматтарының саусақ іздері туралы ақпарат иесіздендірілетін болады. Яғни, мәліметтер базасында саусақ іздерінің сандық моделі мен бірегей идентификатор ғана болады, ал жеке мәліметтер – толық аты-жөні мен ЖСН тіркелмейді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар