Саясат 23.08.2021 сағат 04:38

Полицейдің погонын жыртып, балағаттаған шенеунікке қатысты тексеріс басталды

Басшылық пен қатардағы қызметкер арасында не болғаны белгісіз.
Бөлісу
Бөлісу
Бөлісу

Алматы облысы Еңбекшіқазақ аудандық полиция басқармасының басшысы қол астындағы қызметкерлерінің погонын жыртып, балағаттады деген жазбаға қатысты қызметтік тексеру жүріп жатыр, – деп хабарлайды 31-арнаның «Информбюро» ақпараттық бағдарламасы. 

Дәулет Бағашар есімді полицей бастығының өзіне дөрекі сөйлеп, бейнетіркегішті де жұлып тастағанын видеоға түсірген еді. Видеода Дәулет Бағашар киімінің жыртылғанын көрсетіп, қалтасынан погонын шығарып жатыр. Ал, оны түсіріп тұрған адамның аты аталмайды. Бірақ, полиция басқармасының басшысы оның да погонын жыртып тастағанын айтады.

Басшылық пен қатардағы қызметкер арасында не болғаны белгісіз.

«Аталған дерек ақпаратты есепке алу кітабына тіркеліп, жарияланған бейне және барлық аудиожазбалар егжей-егжейлі зерттелуде. Сараптама нәтижелері шыққаннан кейін аталған бөлімшенің лауазымды тұлғаларының іс-әрекеттеріне баға беріледі және тиісті шешім қабылданады», – деді Алматы облысы Полиция департаментінің ресми өкілі Ақбота Қуанышбекқызы.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар