Сарапшылар Украина мен Ресей арасындағы қақтығыстың Қазақстанға зардабы туралы айтты

Украина мен Ресейдің арасындағы қақтығыстың зардабы олармен қарым-қатынастағы мемлекеттерге міндетті түрде тиетінін отандық сарапшылар да айтты, деп хабарлайды “КТК” арнасы.

Дегенмен екі ел арасындағы жанжал жақын арада шешілуі мүмкін дейді Қазақстанның стратегиялық зерттеулер институтының бас сарапшысы Болат Әуелбаев.

“Кез келген жағдайда кикілжің аяқталады. Қанша дегенмен екі тарап келіссөз жүргізуі қажет. Қазіргі жағдай өте қиын. Ал Қазақстан қақтығыстың саяси тұрғыдан шешілгенін қалайды. Өйткені ымырасыздық жаппай қан-төгіс пен қиындыққа алып келеді. Өздеріңіз көріп тұрғандай, қазір Ресейге қарсы неше түрлі санкция салынып жатыр. Енді бұл шешім экономикалық тұрғыдан тек Украина мен Ресейге ғана емес, солармен көршілер орналасқан әрі қарым-қатынастағы мемлекеттерге де зардабын тигізеді”, – дейді ҚР президенті жанындағы ҚСЗИ бас сарапшысы Болат Әуелбаев.

Sn.kz порталының басқа да маңызды жаңалықтарын Instagram, Telеgram, facebook, twitter және vk секілді әлеуметтік желідегі парақшаларымыздан оқи аласыздар.