Қазақстанның Тайвань бойынша ресми ұстанымы айтылды

ҚР СІМ ресми өкілі Айбек Смадияров Тайваньға қатысты пікір білдірді, - деп хабарлайды Skifnews.kz ақпарат порталы.

"Қазақстан Республикасы "Біртұтас Қытай" қағидатын қолдайды және Тайваньды Қытай Халық Республикасы аумағының ажырамас бөлігі деп санайды. Қазақстан халықаралық құқықтың қолданыстағы нормаларын және Біріккен Ұлттар Ұйымы жарғысын сақтауды, соның ішінде осы мәселеде БҰҰ Бас Ассамблеясының 1971 жылғы №2758 қарарын ұстануды қолдайды.

Шет елдердің ресми делегацияларының Тайваньға сапарлары ҚХР Үкіметімен келісілуі тиіс деп санаймын", - делінген хабарламада.