$ 444.22 € 476.38 ₽ 4.82
Қазақстан Республикасы Орталық сайлау комиссиясының хатшысы Мұхтар Ерман "Қазақстан Республикасы Президенттігіне кандидат Қасым-Жомарт Тоқаев мемлекеттік (қазақ) тілді еркін меңгергенін тексеретін емтиханды неге тапсырмайды?" деген сұраққа жауап берді, деп жазады Ulysmedia.kz.
“Қазақстан Республикасындағы сайлау туралы» Қазақстан Республикасы Конституциялық заңының 54-бабының 2-тармағына сәйкес кандидаттың мемлекеттік тілді еркін меңгеруін белгілеу тәртібі кандидатурасы келесі өкілеттік мерзіміне ұсынылған қазіргі президентке қолданылмайды, – деп түсіндірді М.Ерман баспасөз мәслихаты барысында журналистердің сұрақтарына жауап бере отырып.
Бұдан бұрын Қазақстан Республикасының ОСК Қазақстан Республикасының Президенттігіне кандидат Қасым-Жомарт Тоқаевтың Қазақстан Республикасының Конституциясы мен «Қазақстан Республикасындағы сайлау туралы» заңы бойынша оған қойылатын талаптарға сәйкес келетінін анықтаған болатын.
Қазақстан Республикасы Президенттігіне тағы бір үміткер Мейрам Қажыкен мемлекеттік тілді меңгергендігін анықтауға арналған емтиханды сәтті тапсырды.
