Әйгілі футболшы Луиш Нани қазақ қыздарына ән арнап, ерекше құттықтады (ВИДЕО)

Видеода ойыншылар ән айтып, би билеп, мерекелік көңіл-күй сыйлады.

Фото: instagram.com/luisnani)

“Ақтөбе” клубы Халықаралық әйелдер күніне орай ерекше видео жасап, нәзік жандыларды 8 наурыз мерекесімен құттықтады, деп хабарлайды Sn.kz ақпарат порталы.

Видеода ойыншылар ән айтып, би билеп, мерекелік көңіл-күй сыйлады. Солардың ішінде Луиш Нани де өнер көрсетіп, өзінің шығармашылық қырын көрсетті.

Құттықтау “Ақтөбе” әйелдер командасына арналған. Осылайша, клуб ойыншылары әйелдерге деген құрметін білдірді.

Айта кетсек, Нани ҚПЛ-2026 маусымын тамаша бастады: алғашқы турда ол нәтижелі пас жасап, “Ақтөбе” командасының “Тобылды” 4:1 есебімен жеңуіне үлес қосты.