«Басы бос қызбын»: Сабина Алтынбекова жеке өміріне қатысты сұраққа нүкте қойды

Қазақстандық танымал волейболшы Сабина Алтынбекова әлеуметтік желідегі оқырмандарымен ашық әңгіме өрбітті, деп хабарлайды Sn.kz ақпарат порталы 1bol.kz сілтеп. 

Instagram парақшасында сторис арқылы сұрақ-жауап өткізген спортшыға «Қазір қандай қарым-қатынас статусындасыз?» деген сауал жолданған. Бұл сұраққа ол қысқа да нық жауап берді:

«Қазір басы бос қызбын», - деді Алтынбекова.

Еске салайық, өткен жылдың наурыз айында спортшы продюсер Саят Тостықбаевпен ажырасқанын жариялаған еді.