«Франческо Тольдодан кем түспейді»: Танымал футболшы Анарбековтың ойынын бағалады

Қазақстан құрамасының бұрынғы футболшысы Вячеслав Эрбес Sports.kz басылымына берген сұхбатында Алматының «Қайрат» клубы мен Кипрдің «Омониясы» арасындағы Чемпиондар лигасының екінші іріктеу кезеңіндегі жауапты кездесу туралы пікір білдірді, деп хабарлайды Sn.kz ақпарат порталы.

Оның айтуынша, Алматыда өткен матч өте тартысты әрі маңызды болды. «Қайрат» кездесуді сенімді бастап, есеп ашуға бірнеше мүмкіндік алған.

«Ойын өте көрсеткішті болды. Тіпті қызыл қағазға дейін «Қайрат» алаң иесі ретінде белсенді ойнап, есеп ашуы керек еді. Алаң иесінің бір ойыншысының алаңнан қуылуы жағдайды өзгертті. Дегенмен команда сырт алаңдағы кездесудегідей ұзақ күтпей, бірінші таймда-ақ гол соқты. Өкінішке қарай, бұдан кейін көрермендер басқа гол көре алмады, сондықтан барлығы пенальти сериясында шешілді», – деді маман.

Эрбес қақпашы Темірлан Анарбековтің пенальти кезіндегі ойынына ерекше тоқталды. Ол жас қақпашының соққыларды қайтару шеберлігін жоғары бағалап, оны Италия құрамасының бұрынғы қақпашысы Франческо Тольдомен салыстырды.

«Темірлан Анарбеков тағы да пенальти қайтаруда Франческо Тольдодан кем түспейтінін, тіпті одан да жақсы екенін дәлелдеді», – деп әзілдеді ол.

Маман «Қайраттың» жеңісі толықтай әділ болғанын атап өтті. Алматы клубы бұл нәтижеден кейін еурокубоктік күзді қамтамасыз етті.

Айта кетейік, командалар арасындағы алғашқы кездесу «Омонияның» 1:0 есебімен жеңісімен аяқталған болатын. Ал жауап матчында «Қайрат» қосымша уақытта есепті өзгерте алмай, пенальти сериясында 6:5 есебімен басым түсті. Осылайша алматылық клуб Чемпиондар лигасының іріктеу кезеңінің үшінші раундына жолдама алды. Келесі қарсыласы – Болгарияның «Левски» командасы.