Астанада журналистер арасында шағын футболдан турнир өтеді

10-нан астам БАҚ турнирге қатысуға өтініш білдіріп, командаларын жасақтаған. Жеңімпаздар кубокпен, медальдармен, дипломдармен және бағалы сыйлықтармен марапатталады. Шара Астана қаласы әкімдігінің Ішкі саясат басқармасының қолдауымен өтеді.

- Шағын футболдан турнир байланыс және ақпарат саласы қызметкерлерінің арасындағы достық қарым-қатынасты нығайтуға, салауатты өмір салтын насихаттауға, БАҚ өкілдерін спортпен шұғылдануға шақыру мақсатында ұйымдастырылады, - дейді ұйымдастырушалыр.

Өткен жылы чемпиондар кубогын «Қазақ радиосы» командасы жеңіп алса, күміспен «Хабар» телеарнасы күптелген, ал қола «Қазақстан» телеарнасына бұйырыпты.