Спорт 22.06.2017 сағат 03:25  882

Головкин Альвареспен жекпе-жектен кейін бокспен қоштасуы мүмкін

Кәсіпқой бокстан орта салмақтағы WBA (Super), IBO, WBC және IBF чемпиондық белбеулерінің иесі, қазақстандық боксшы Геннадий Головкин биыл былғары қолғабын шегеге ілуі мүмкін. Қыркүйекте Сауль "Канело" Альвареспен өтетін жекпе-жектен кейін GGG бокспен мүлдем қоштасуы мүмкін екенін айтты.

"Мүмкін мен осы жекпе-жектен кейін мүлдем боксты қоятын шығармын. Қоймауым да мүмкін. Мен өзімді өте жақсы сезінемін. Жасым 35-те, бірақ 25 жастағы жігіттеймін. Бұл футбол емес, бұл - бокс. Яғни, ойын емес, төбелес. Әр жекпе-жек өте қиын соғады", - деп мәлімдеді Головкин BoxingScene тілшісіне берген сұхбатында.

Естеріңізге салайық, Головкин-Альварес жекпе-жегі биыл 16 қыркүйекте Лас-Вегастағы T-Mobile аренасында өтеді. Бүгіннен бастап аталған бокс кешінің билеттері сатылымға шығады.

Соңғы жаңалықтар