Геннадий Головкин The Ring журналының мұқабасында

Кәсіпқой бокстан орта салмақтағы WBA (Super), IBO, WBC (Interim) және IBF тұжырымдарының чемпионы Геннадий Головкин (34-0, 31 КО) әлемдегі ең танымал журналдардың бірі саналатын The Ring басылымының мұқабасынан орын алды.

Журнал мұқабасында қазақстандық боксшымен WBC чемпиондық белбеуінің иегері мексикалық Сауль "Канело" Альварестың да суреті бейнеленген. Мақала қос алыптың келер жылы жұдырықтасу мүмкіндіктері жайында жазылыпты.

Айта кетейік, Альварестің командасы 11 қарашаға дейін Головкинмен кездесу мәселесін шешіп алуы керек. Нақты шешімге келе алмаған жағдайда WBC белбеуі автоматты түрде қазақстандық боксшыға өтеді.

Естеріңізге салайық, бұған дейін WorldBoxingNews Геннадий Головкинді әлемдегі ең үздік үш боксшының қатарына енгізген болатын.