Заң талаптарын түсіндіру жөнінде сабақ өткізілді

Сабаққа Мақтарал ауданының ТЖБ және Мақтаарал аудандық №3 МӨСБ және №20,21,22 ӨСБ жеке құрамы қатысты. Мақтарал ауданы прокуроры көмекшісі Ж.Сарсенбаев өз алғы сөзінде сыбайлас жемқорлықтың әлеуметтік, экономикалық дамуға, ел болашағына қауіп төндіретін құбылыс екенін айтып өтті.

- Кез-келген өркениетті қоғам үшін сыбайлас жемқорлықпен күрес ең өзекті мәселелердің бірі болып табылады. Сыбайлас жемқорлық мемлекетті ішінен жоюдың бастамасы мен жетістіктерді жоққа шығаратын, ұлттық қауіпсіздікке қауіп-қатер әкелетіндігі күмәнсіз. Сондықтан да Қазақстан Республикасының мемлекеттік саясатының негізгі басымдылықтарының бірі болып осы зұлымдықпен күресу болып табылады.

Біздің қоғамда сыбайлас жемқорлыққа орын жоқ. Қоғамның барлық күш-жігерін біріктіріп, осы дерттің одан әрі ушықпауы үшін оны тоқтатудың барлық амалдарын қолдану арқылы ғана бұл құбылысқа тиімді түрде қарсы тұруға болады, - деп атап өтті Мақтарал ауданы прокуроры көмекшісі Ж.Сарсенбаев.

Ал, Мақтарал аудандық  ҚСжАЕЖБ-і аға прокуроры Қ.Қадырбаев: «Қазақстан ТМД елдерінің ішінде ең алғаш 1998 жылы «Сыбайлас жемқорлыққа қарсы күрес туралы» Заңын қабылдап, сыбайлас жемқорлықпен күрес жөніндегі арнайы мемлекеттік орган құрды», - деді.  

Сондай-ақ аға прокурор сыбайлас жемқорлық Қазақстанның барлық табыстарына қол жеткізуге мүмкіндік туғызатын мемлекетіміздің негізгі құндылығы – Тәуелсіздікке қауіп төндіретінгіне назар аударып, сыбайлас жемқорлық көріністеріне немқұрайлы қарамау керектігін атап өтті.

Сабақ барысында қызметкерлер өздерін қызықтырған сұрақтарын қойып, жан-жақты жауаптар алды. Жемқорлықпен күресті әрбір азамат өзінен бастауы керек.