Жомарт Ертаевтың қамау мерзімі тағы бір айға ұзартылды

Алматы қалалық тергеу соты қазақстандық бұрынғы банкир Жомарт Ертаевты қамау мерзімін 15 тамызға дейін созды. Осылайша ол қамауда бес ай болады. Бұл туралы Алматы қалалық сотының баспасөз қызметі хабарлады.

Қазақстанның сұрауы бойынша биыл наурызда Ресейден экстрадицияланған Жомарт Ертаев содан бері қамауда отыр. Алғашында оны екі ай тұтқында ұстау туралы шешім шығарған сот 15 мамырда қамау мерзімін тағы бір айға – 15 маусымға дейін ұзартқан.

46 жастағы Жомарт Ертаевты былтыр мамырда Ресейде сол елдің қауіпсіздік органы қызметкерлері ұстаған.

Дереккөз: Азаттық