Заң 01.09.2019 сағат 15:40

Ереже бұзған көліктер тағы да «қызыл таяқтың» ұшында «ойнайтын» болды

Еске салсақ, қазақстандық полицейлер жезлды 2017 жылдың 1 қаңтарынан бастап пайдалануды тоқтатқан.
Ереже бұзған көліктер тағы да «қызыл таяқтың» ұшында «ойнайтын» болды
Бөлісу
Бөлісу
Бөлісу

Қазақстанда жол қозғалысын реттеу үшін жезлдарды қайта қолдана бастады, деп хабарлайды Tengrinews.kz, ІІМ баспасөз қызметіне сілтеме жасап.

1 қыркүйектен бастап полиция қызметкерлеріне жезл қайтарылды. Ведомство өкілдері ол тек жол қозғалысын реттеу үшін пайдаланылатынын хабарлады.

«Жезл, әсіресе, тәуліктің қараңғы уақытында және көрініс нашар кезде, сондай-ақ, көлік құралдарын мынадай жағдайларда бағыттау үшін пайдаланылады:

- жол-көлік оқиғалары және кептеліс кезінде, оның ішінде бағдаршамдар сөнгенде;

- көлік құралдарының ұйымдасқан колонналарын алып жүру;

- терроризмге қарсы операцияларды және (немесе) күзет іс-шараларын өткізу;

- табиғи және техногендік сипаттағы төтенше жағдайлар мен олардың салдарын болдырмау және (немесе) жою кезінде», – деп хабарлады баспасөз қызметіндегілер.

Полиция қызметкерлері көлік қозғалысын реттеуде жезлмен бірге жарық шағылыстырғыш кеудеше мен қолғап киіп тұрады. Сондай-ақ, олар қосымша сигнал беру үшін ысқырғыш пайдаланады.

Жезлдарды қайтаруға бюджеттен ақша бөлінбейді, себебі, олар бар. Еске салсақ, қазақстандық полицейлер жезлды 2017 жылдың 1 қаңтарынан бастап пайдалануды тоқтатқан. Содан бері олар көлікті қолмен тоқтататын.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар