Заң 04.09.2019 сағат 14:20

«Хирургке қандауыры қандай маңызды болса, полицей үшін де алатаяқ маңызды» - Нығматулин

«Тағы да Ішкі істер министрлігінің есебі түгел. Оларға қазір қаражат басқа нәрсеге керек».
«Хирургке қандауыры қандай маңызды болса, полицей үшін де алатаяқ маңызды» - Нығматулин
Бөлісу
Бөлісу
Бөлісу

ҚР Парламенті Мәжілісінің жалпы отырысында Палата төрағасы Нұрлан Нығматулин жол полициясы қызметкерлеріне алатаяқтың қайтарылуы туралы әзілдеді, деп хабарлайды ҚазАқпарат.

«Қазақстан мен Армения Үкіметтері арасындағы азаматтық қорғаныс, төтенше жағдайлардың алдын алу мен оларды жоюдағы ынтымақтастық келісімін ратификациялау туралы» заң жобасын талқылауда Мәжіліс Төрағасы Ішкі істер министрінен қазақстандық тараптың шығындарын өтеу туралы сұрақ қойды.

«Төтенше жағдайда көмектесу үшін алғашқы үш тәулікте қазақстандық құтқару жасағы өз қаражатын жұмсайды. Яғни, үш тәулікке жетерлік азық-түлік, шатыр, төсек-орын, жабдықтар беріледі. Одан кейінгі күндер үшін көмек сұраған мемлекет барлық қауіп-қатер сейілгенше қаржыландыруы тиіс», – деп жауап берді Ішкі істер министрі Ерлан Тұрғымбаев.

Осы орайда Нұрлан Нығматулин алғашқы тәуліктер шығынын үкіметтік комиссия өтейтінін атап өтті.

«Кейінірек үкіметтік комиссия шешімімен барлық шығындарыңыз өтеледі. Тағы да Ішкі істер министрлігінің есебі түгел. Оларға қазір қаражат басқа нәрсеге керек. Алаяқты қайтарып берді ғой. Бұл дұрыс. Хирургке қандауыры (скальпель) қандай маңызды болса, полицей үшін де алатаяқ маңызды», – деді Мәжіліс төрағасы.

Оқи отырыңыз

загрузка...

Соңғы жаңалықтар

Қызықты материалдар