Әлем 11.08.2019 сағат 14:15

Құрбан айт қарсаңында жас жігіт мешітке кіріп, адамдарға оқ жаудырды (ВИДЕО)

Шабуыл жасаған жігіттің басында шлем, үстінде бронежилет болыпты.
Бөлісу
Бөлісу
Бөлісу

Норвегия астанасы Осло маңындағы Берум коммунасында жас жігіт мешітке кіріп, адамдарға оқ атты, деп хабарлайды sputniknews.kz.

«Аль-Нур» ислам орталығында атыс 10 тамыз күндіз, Құрбан айт мейрамы қарсаңында болды. Салдарынан бір адам көз жұмып, тағы біреуі жараланған.

Euronews хабарлағандай, шабуыл жасаған жігіттің басында шлем, үстінде бронежилет болыпты. Мешіттегі адамдар қаскөйді полиция келгенге дейін қолға түсірді.

Бұдан бөлек, күдіктінің үйінен әйелдің денесі табылды. Ол жас жігіттің туысқаны екен. Тәртіп сақшылары әйел күдіктінің қолынан қаза тапты деп санайды.

Қазір қылмыскер қамауға алынды. Мешіттен бірнеше дана қару табылды. Полицияның пайымынша, жігіт жалғыз өзі әрекет еткен.

Еске сала кетсек, осыған ұқсас жағдай 2019 жылдың 15 наурызында Жаңа Зеландияның Крайстчерч қаласында болған еді. Ол кезде террористер мешітке келген 50 адамды өлтірді. Терактіні 27 жастағы Брентон Таррант ұйымдастырған.

Оқи отырыңыз

загрузка...

Соңғы жаңалықтар

Қызықты материалдар