Әлем 14.10.2019 сағат 14:15

Газ балоны жарылысынан адамдар үйінді астында қалып, 10 адам ажал құшты

Құрбандар саны өсуі мүмкін, себебі бірнеше адам ғимараттың ішінде, үйінді астында қалып қойған. Қазіргі таңда үйінді астынан адамдарды шығару үшін құтқару операциясы жүріп жатыр
Газ балоны жарылысынан адамдар үйінді астында қалып, 10 адам ажал құшты
фото: inform.kz
Бөлісу
Бөлісу
Бөлісу

Үндістанның Уттар-Прадеш штатының Моххамадабад қаласындағы тұрғын үй пәтерлерінің бірінде газ баллоны жарылып, екі қабатты ғимарат құлады. Салдарынан кем дегенде 10 адам көз жұмды, деп хабарлайды ҚазАқпарат India Today-ге сілтеме жасап. 

PTI ақпараттық агенттігі, атап айтқанда, бас хатшысы Аваниш Авастхи аталмыш ақпаратты растады. Оның айтуынша, қазіргі таңда жарылыс салдарынан көз жұмғандар саны 10 адамды құрап отыр. Сондай-ақ, 15 адам ауыр жарақат алған. 

Құрбандар саны өсуі мүмкін, себебі, бірнеше адам ғимараттың ішінде, үйінді астында қалып қойған. Қазіргі таңда үйінді астынан адамдарды шығару үшін құтқару операциясы жүріп жатыр. Үндістанның Уттар-Прадеш штатының бас министрі Йоги Адитьянат тиісті тұлғаларға жараланған адамдарға қажет медициналық көмекті көрсетуді тапсырды. Сондай-ақ, ол көз жұмғандардың отбасына қайғырып көңіл айтты.
 

Оқи отырыңыз

загрузка...

Соңғы жаңалықтар

Қызықты материалдар