49 журналист ажал құшып, 37 тілші кепілдікке алынған

2019 жылы 49 журналист кәсіби міндеттерін орындау кезінде қаза тапқан, деп хабарлайды «Хабар 24».

Бұл туралы «Шекарасыз репортерлар» ұйымы жылдық есебінде мәлімдеді. Қаламы ұшқыр маман иелерінің өлімі Мексика мен Сирияда жиі тіркелген. Бұған дейін тамыз айында Мексика мемлекеті БАҚ өкілдері үшін ең қауіпті ел деп жарияланған еді.

Мамандықтың қауіпті болғанына қарамастан, бұл сан соңғы 16 жылдағы ең төмен көрсеткіш екен. Өткен жылдың өзінде кәсіби міндетін атқару кезінде 80 БАҚ қызметкері қаза тапты.

Сондай-ақ, әлем бойынша 389 журналист темір торда отырса, 57 тілші кепілдікке алынған екен.