Әлем 24.06.2020 сағат 02:57

Өзбекстан коронавирус жұқтырған әрбір туриске 3 мың доллар өтемақы төлемек

Ел президенті Шавкат Мирзиеевтің арнайы қаулысы осы айдың 19-ы күні қабылданған.
Өзбекстан коронавирус жұқтырған әрбір туриске 3 мың доллар өтемақы төлемек
фото: CentralAsia
Бөлісу
Бөлісу
Бөлісу

Өзбекстанға барған турист COVID-19 жұқтырған жағдайда 3 мың доллар көлемінде өтемақы алатын болды. Ел президенті Шавкат Мирзиеев арнайы қаулы қабылдап, елге келетін туристердің қауіпсіздігін қатаң қадағалауға пәрмен берген. 

Ел президенті Шавкат Мирзиеевтің арнайы қаулысы осы айдың 19-ы күні қабылданған. Аталмыш құжатта «Uzbekistan. Safe travel guaranteed» (Өзбекстан. Қауіпсіз саяхат кепілді) жүйесі енгізіледі. Ол туристер үшін  «қауіпсіздік кепілі» болмақ, деп жазады centralasia.media сайты .  

Аталған жүйе арқылы «Қауіпсіз туризм қоры» құрылады. Оны қаржыландыру үшін дағдарысқа қарсы қордан 20 млрд сом (шамамен 2 млн доллар) бөлінеді. Сертификаттау үшін жарналар да қарастырылады.

Өзбекстан ұлттық инновациялық денсаулық сақтау палатасының төрағасы Равшан Изамов «Өзбекстан 24» телеарнасына берген сұхбатында жергілікті және шетелдік туристер өз қауіпсіздігіне сенімді болуы керек деп мәлімдеген.

«Туроператорлар, қонақ үйлер және туризм индустриясына байланысты бар адам қажетті талаптарды орындау кезінде арнайы сертификат алатын болады. Бұл сертификаттың болуы оларға туристермен жұмыс істеуге мүмкіндік береді», – деді Изамов.

Туристерге өтемақы төлеу бойынша осындай тәжірибе әлемнің көптеген елінде кеңінен қолданыла бастаған. 

23 маусымдағы жағдай бойынша Өзбекстанда коронавирус жұқтырғандар саны 6500-ге жетті. Елде вирустан 19 адам қайтыс болған.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар